အဖိုးကြီးစစ်တမ်း

အသက်ကလေးထောက်ခါမှ
အရက်ခွက်ကလေး တမြှောက်မြှောက်
ချက်အောက်စကားတွေ တပြောပြောနဲ့
တသောသောနေ
အမောဖြေနေတဲ့ အဖိုးကြီး။
 
သေရိပ်နီးခါမှ
စိပ်ပုတီး နာနာကိုင်
မဟာမြိုင် တောရမှီးပေမဲ့
ဒေါကလဲ ကြီးတတ်သေးရဲ့
လောဘမီးကလဲ အရှိန်ဟပ်
အိမ်မကပ်နိုင်တဲ့ အဖိုးကြီး။

ရွာလယ်မှာ စွာကျယ် စွာကျယ်နဲ့
ငါဟယ်မင်းဟယ်
ငြင်းမယ်လို့ မကြံနဲ့
မင်းတို့ကမမှန်
ငါသာလျှင် အမှန်လို့၊ ငါမာန်တွေတက်
ငါအရိုးမျက်နေတဲ့၊ လက်တို အခက်ပို အမျက်သိုနေတဲ့ အဖိုးကြီး။

ဒီလို အဖိုးကြီးမျိုးတော့ ဆောရီး..ဆောရီး
မဖြစ်ချင်ပေါင်။

ကြွေခါနီးတဲ့ သစ်သီးလို
အသက်ကြီးတော့လဲ အဖိုးကြီး ဖြစ်မှာပေါ့လေ..

ဒါပေမဲ့ ရိုးရိုးကုပ်ကုပ်
ပုဆိုးစုတ်ကလေးနဲ့ပဲဖြစ်ဖြစ်
 ကိုယ့်အလုပ် ကိုယ်ဆင်း၊
 ကိုယ့်ယာခင်း ကိုယ်စိုက်
လျှာအလိုမလိုက်၊

ဘာကိုမှ မကြိုက်
ပျော်ပိုက်ရာ တော်ထိုက်ရာနေ
စာပေလဲ မပြတ်၊ ကဗျာတွေလဲ ဖတ်

ရပ်သူရွာသားတွေနဲ့
ထပ်တူမခြားနေတတ်တဲ့

ဇရပ်ငုံးတို တာတမံ ခရိုး အနီးက
မပြတ်ပြုံးချိုနေတဲ့ သာမန် အဖိုးကြီးပဲ ဖြစ်ချင်တယ်။

တင်မိုး

မူရင်းလင့် 

မြန်မာ့လေကြောင်း/အာကာသ ကျောင်းသားတို့ Radio Control လေယာဉ် တီထွင်နိုင်ပြီ

မြန်မာနိုင်ငံလေကြောင်းနှင့်အာကာသပညာတက္ကသိုလ် စက်နှင့်ပျံသန်းယာဉ် ဌာနမှ ကျောင်းသားရှစ်ယောက်နှင့်ဖွဲ့စည်းဆောင်ရွက်ခဲ့သော DAWN SWAZ အမည်ပေးထားသည့် Radio Control သုံးလေယာဉ် အား(၁၂.၁၀၂၀၁၃) နေ့ မနက် ၇း၃၀ နာရီ အချိန်တွင် အောင်မြင်စွာ စမ်းသပ်ပျံသန်းနိုင်ခဲ့ပါတယ်။


လေယာဉ်တည်ဆောက်ရခြင်း၏ ရည်ရွယ်ချက်များကို အဖွဲ့ဝင်တစ်ဦးဖြစ် သည့် ကိုစွမ်းထက်မှ ရိုးရာလေးကို အခုလိုရှင်းပြပါတယ်။

"ကျွန်တော်တို့ တက္ကသိုလ်မှ ငါးနှစ်တာ သင်ကြားပေးခဲ့တဲ့ သီအိုရီများကို အခြေခံပြီး လက်တွေ့ အသုံးချဆောင်ရွက်နိုင်ဖို့ရယ် ၊ ကိုယ်ပိုင်ဒီဇိုင်းများတွက်ချက် ပြီး လေကြောင်းဆိုင်ရာနည်းပညာများ တိုးမြှင့်ဖော်ဆောင်နိုင်ဖို့ရယ် နောက်ပြီးတော့ အခုတည်ဆောက်ထားတဲ့လေယာဉ်ကို အကျိုးပြုလုပ်ငန်းများမှာ အသုံးချနိုင်ဖို့အတွက် ရည်ရွယ်ချက် နဲ့ ကြိုးစားတည်ဆောက်ခဲ့ခြင်း ဖြစ်ပါတယ်။

ပါးစပ်…ပါးစပ်…ပါးစပ်…မင်းတရားခံဖြစ်မယ်

ပါးစပ်…ပါးစပ်…ပါးစပ်…
မင်းတရားခံဖြစ်မယ်

ဗလောင်းဗလဲစကား
အပြောင်းအလဲကများသနဲ့
အချောင်းထဲကငါးရေကူးမြန်သလို

မမှန်မကန်တွေကို
မြန်မြန်ဆန်ဆန်ပြောကြတယ်…..။

ကြားသူတိုင်းရှုပ်ထွေးပြီး
အလိုးလေးတရအောင်

ပါးစပ်ကကျည်ဆံထွက်
ထွီ ထွမ် ခွက်
ပက်လက်မျောစရာ

“ကိုယ်ပိုင်ဥာဏ်"

ကိုယ်ပိုင်လွတ်လပ်ခွင့်
သင့်မသင့်ချင့်ချိန်ပြီး
သူ့အိမ်ကို ကိုယ့်အိမ်မမှတ်
သူ့ဇရပ်ကို ကိုယ့်ဇရပ်မလုပ်
ကိုယ့်အဆုံးအဖြတ်နဲ့ကိုယ်
လက်ဝါးကပ်တိုင် ထူချင်ထူမယ်
စေတီတဆူ တည်ချင်တည်မယ်

မုတ်ဆိတ်ကျင်စွယ်တွေနဲ့
တောမြိုင်လယ် သွားချင်သွားမယ်

အမှားကလွတ်လမ်း၊
တရားက ကျွတ်တမ်း

စူးစမ်းကြ ရှာဖွေကြမယ်
ရွှေစိတ်တော်ကြိုက်သလိုပ …”

“ကိုယ့်အခန်းမှာ၊

ကိုယ်သာလျှင် ပြဋ္ဌာန်း
ကိုယ့်လမ်းမှာ သရုပ်ဆောင်
မာနတွေ မထောင်နဲ့

အမှောင်ကို ရှောင်နိုင်ရမယ်”“သဗ္ဗေ သတ္တာ ကမ္မသကာ

ကံသာလျှင် အမိ၊ ကံသာလျှင်အဖ
ကံပစ်ချရာနေ

ကံကပေးတဲ့ အမွေကိုစား
ကံတရားကို ယုံကြည်တယ်။

ကံသည်သာ အလုပ်
အလုပ်သည်သာ အဟုတ်

ကောင်းမှုလုပ်တော့ ကောင်းကျိုးစံ
မကောင်းမှုလုပ်တော့ ဆိုးကျိုးခံ
ကိုယ်ဖန်တီးတဲ့ ကိုယ့်ကြမ္မာကံ” 

“ကံကြမ္မာ ယုံကိုးပြီး
ချုံတိုးလို့မရ။

ဥာဏရှေ့ဆောင်
မီးရောင်တလက်လက်နဲ့
ခရီးရှည်ချီတက်မယ်။

အမျက်မပါ၊ ရမ္မက်မပါ
ငါ့လက်နက်ဟာ ငါ့လုံ့လမပါ
ငါ့လက်နက်ဟာ ငါ့လုံ့လပေါ့

ဗုဒ္ဓကို ဦးချ။
လူ့ဘ၀လှလိမ့်မယ်”

တင်မိုး

ပြည်ပြေး

ငါ့ယာခင်းရဲ့
နှင်းစက်မြက်ဖျား၊ ပေါင်းပင်ကြားမှာ
ထွန်သွားကလေးနဲ့ ထွန်ချင်တယ်။

မြေသားရဲရဲ၊ ပဲနှမ်းကြဲလို့
ကန်မြဲဇဂျမ်းမှာ ပျော်ချင်တယ်။

ချိုးကူသံကြား၊ ငှက်ခါးတွန်သံ
စာကလေးပျံတဲ့
သာလာယံမှာ အိပ်ချင်တယ်။

နေ့လယ်နေ့ခင်း၊ ကျောလျားခင်းကာ
ထမင်းလုံးစီ၊ တရေးမှီပြီး
လက်ဖက်ရည်ဝိုင်း၊ သင်္ဂြိုဟ်ဝိုင်းမှာ

မိုင်းခိုင်းပိဋကတ်၊ စာတတ်လယ်တီ
တောမှီသစ်ချ၊ ပဏ္ဍိတတို့

ကျမ်းစတိုထွာ၊ ငြင်းစရာကို
ရွတ်ကာရွတ်ကာ၊ ဟန်ပါပါနဲ့
အဘိဓမ္မာပွဲမှာ နွှဲချင်တယ်။

ညနေချိုတော့
ဆရာအိုရဲ့၊ ဘင်ဂျိုအတော
တယောဗုံသံ၊ ညဥ့်ဦးယံထိ

နာခံကြည်နူး၊ စိတ်ရွှင်မြူးပြီး
ဘုရားဖူးချိန်၊ စိတ်ကိုငြိမ်တော့
ပိန်ဖောင်းမှတ်လို့ အိပ်ချင်တယ်။

မနက်လင်းတော့
ထမင်းကြမ်းခဲ၊ လွေးမြဲအစာ
လွေးပြီးခါမှ

နွားပြာတရှဉ်း၊ ထွန်တစင်းနဲ့
ယာခင်းယာထွန် သွားချင်တယ်။

ယခုအခါ၊ ငါ့ရွာနဲ့ဝေး
ပြည်ပြေးတိုင်းခြား၊ ငါရောက်သွားပေါ့
ဘာများတတ်နိုင်မှာလဲကွယ်။

တင်မိုး
မူရင်းလင့် 

" နေ့ ဘင်လာဒင်၊ ည ဗိုလ်နေ၀င်း "

“တို့ဘ၀ရဲ့ နေ့နဲ့ညတွေကို
ကောလာဟလတွေက ခွစီး
ကမ္ဘာကြီး ပျက်တော့မယောင်
ကောင်းတော့မယောင်နဲ့
ခေါင်းထောင်လာသမျှ နှိမ်နင်း
ရုန်းရင်းဆန်ခတ် ဖန်တီးနေကြတယ်။

နေ့ ဘင်လာဒင်၊ ည ဗိုလ်နေ၀င်း
သတင်းတွေအမျိုးမျိုးက
တီးတိုး တီးတိုး
အိပ်ရာက နိုးကြတယ်။

တယ်လီဖုန်းနဲ့ အင်တာနက်မှာ
သတင်းမှန်လိုက်ရှာနေလို့
နေ့သာကုန်
ဘယ်ပုံခရီးပေါက်မှာတုန်း။

ကောလာဟလ သတင်းပုပ်တွေနဲ့
ထမင်းလုပ်ပြီး မိုးချုပ်နေရတဲ့ဘ၀
စိတ်ချလုံခြုံပါ့မလားကွယ်။

မျက်စိမှားရင် စားမယ်ဆိုတဲ့
လောင်းကစားသမားတွေ အကွက်ဖန်တဲ့
မနက်ဖြန်ကို
တရွက်လှန် တရက်မော
ကိုကြက်တောရဲ့ ဘ၀ခရီး
ဒီလိုနဲ့ ပြီးတမ်းလား။

အဆံချောင်စကားလုံးတွေနဲ့
အချိန်ဖြုန်းနေတဲ့ လူစားတွေ
အကွက်တွေ ခဏခဏမှားလို့
လုံးပါးပါး ကုန်ရော့မယ်။

ပွဲလှန့်တဲ့
လောင်းကစားသမားကြောင့်
တို့မျက်စိမမှားစေနဲ့
သတိထားဖို့အရေး
တောင်ငေး မြောက်ငေး မငေးနဲ့။

ကိုယ့်လမ်းကိုယ် မှန်မှန်လျှောက်
ပြူတင်းပေါက် အမြဲဖွင့်
အဆင်သင့် နိုးကြားနေပါစေ။” …

- တင်မိုး

သူ့ခေတ် ကိုယ့်ခေတ် ကာတွန်းများ