- မြန်မာနိုင်ငံအနေနဲ့ အာဆီယံအလှည့်ကျဥက္ကဋ္ဌ ရာထူးကို ဘရူးနိုင်းနိုင်ငံမှာ ကျင်းပတဲ့ အာဆီယံထိပ်သီး အစည်းအဝေး အခမ်းအနားမှာ နိုင်ငံတော်သမ္မတဦးသိန်းစိန်က လက်ခံလွှဲပြောင်းရယူလိုက်တဲ့အတွက် မြန်မာနိုင်ငံသားပီပီဝမ်းသာကျေနပ်မိပါတယ်။
ဒါပေမဲ့လည်း သတင်းဌာနအချို့နဲ့လူမှုကွန်ရက်တွေ ၀က်ဆိုက်တွေမှာတော့ အပျက်သဘောအမြင်နဲ့ ဖော်ပြကြတာ တွေ့ရ ပါတယ်။ မြန်မာနိုင်ငံမှာ ပြုပြင်ပြောင်း
လဲရေးတွေ စတင်ဖြစ်ပေါ်နေပေမယ့် လူမျိုးရေး၊ ဘာသာရေး ပဋိပက္ခကို မဖြေရှင်းနိုင်တာတွေ ရှိနေတယ်ဆိုပြီး သုံးသပ်လာကြသလို၊ မြန်မာအစိုးရဌာနအတွင်း အရည်အချင်းပြည့်မီတဲ့ ဝန်ထမ်းတွေ နည်းပါးတဲ့အပြင် အခြေခံ အဆောက်အဦတွေ မလုံလောက်တာ အင်တာနက်ကလည်း
နှေးကွေးတဲ့ကိစ္စရပ်တွေကိုလည်း အပျက်သဘောအမြင်နဲ့ ရှုံ့ချ လာတာလည်း တွေ့ရပါတယ်။
အပြုသဘောဆောင်ပြီးလိုအပ်ချက်ကို ဖြည့်ဆည်းနိုင်ရေး ကိုယ့်တိုင်းပြည်ကိုယ့်လူမျိုးဂုဏ်ယူနိုင်ရေး အမြင်မျိုးထက် နိုင်ငံတော် သိက္ခာကျရေးကိုပဲ ဦးတည်လာသလားဆိုတာကိုလည်း စဉ်းစားစရာဖြစ်လာခဲ့ပါတယ်။
တကယ်တော့ မြန်မာနိုင်ငံမှာဆီးဂိမ်းအောင်မြင်စွာ ကျင်းပနိုင်ခဲ့ရင် အရှေ့တောင်အာရှနိုင်ငံတွေမှာ သာမက ကမ္ဘာကပါ မြန်မာ ကို အထူးအာရုံစိုက်စရာ ကိစ္စရပ်ဖြစ်သလို နိုင်ငံတကာရင်းနှီးမြှုပ်နှံမှုတွေ ရဲရဲတင်းတင်း ၀င်ရောက်ဖို့အတွက်လည်း အခွင့် အလမ်း တစ်ခုဖြစ်လာနိုင်တယ်၊
မြန်မာပြည်ဖွံ့ဖြိုးတိုးတက်ရေး အတွက်လည်း လမ်းစတစ်ခုဖြစ်လာနိုင်ပါတယ်။
မြန်မာနိုင်ငံမှာ နိုင်ငံတကာက ၀င်ရောက်ရင်းနှီးမြှုပ်နှံလာခဲ့ရင်တော့ အိမ်နီချင်းနိုင်ငံအချို့အတွက် စီးပွားရေးဆိုင်ရာ အခွင့် အလမ်းအချို့ဆုံးရှုံးနိုင်တယ်ဆိုတာကိုလည်း နိုင်ငံအချို့ကတွက်ဆ ထားပြီးဖြစ်တယ်လို့ ကြားသိရပါတယ်။
`အထူးသဖြင့် မြန်မာတက်လာရင် ဒေသတွင်းက နိုင်ငံအချို့ ဝင်ငွေထိခိုက်နိုင်သလို ရင်းနှီးမြုပ်နှံမှုတွေ ခွဲဝေပေးရမှာ စိုးရိမ် နေကြတာလည်း ဖြစ်လာနိုင်ပါတယ် `လို့ နိုင်ငံတကာအမြင်ရှိနေတဲ့ အင်ဂျင်နီယာတစ်ဦးက သုံးသပ်ခဲ့ဖူးပါတယ်။
ဒါ့အပြင်ထားဝယ်ရေနက်ဆိပ်ကမ်း စီမံကိန်းနဲ့ သီလ၀ါစီမံကိန်းတွေကလည်း မြန်မာနိုင်ငံစီးပွားရေးဖွံ့ဖြိုး တိုးတက်မှုကို အထောက်အကူပြုနိုင်တဲ့အပြင် နိုင်ငံတကာရင်းနှီးမြှုပ်နှံလိုသူတွေအတွက်လည်း မျက်စိကျစရာအနေအထားတစ်ခု ဖြစ်လာ ခဲ့တဲ့အတွက် မလိုလားသူတွေလည်းရှိလာခဲ့တယ်ဆိုတဲ့ သုံးသပ်မှုတွေလည်း ကြားခဲ့ရပါတယ်။
လက်ရှိအခြေအနေမှာတော့ မြန်မာနိုင်ငံမှာဆီးဂိမ်းကျင်းပဖို့အတွက် လပိုင်းအလိုမှာ အခုလို အကြမ်းဖက်လုပ်ငန်းများ ဖြစ်ကြ တဲ့ ဗုံးခွဲတဲ့ဖြစ်ရပ်တွေနဲ့ မြန်မာပြည်မှာလုံခြုံရေးအားနည်းတယ်လို့ ထင်ယောင်ထင်မှားဖြစ်စေတဲ့ ကိစ္စမျိုးတွေကို ပြုလုပ်လာကြ တာလည်း တွေ့ရပါတယ်။
အာဆီယံဥက္ကဋ္ဌအနေနဲ့ တာဝန်ယူမှာကို မနှစ်မြို့ခြင်း၊ ဆီးဂိမ်းကျင်းပမှာကို မလိုလားခြင်း၊ မြန်မာနိုင်ငံတွင်း နိုင်ငံတကာ ရင်းနှီးမြှုပ်မှုတွေ ၀င်ရောက်လာမှာကို မလိုလားခြင်းတွေနဲ့ အဖျက်လုပ်ငန်း အကြမ်းဖက် လုပ်ငန်းတွေ ဘယ်လို ဆက်စပ်နေ သလဲ၊ ဒါ့အပြင် ပြည်တွင်းမှာ
ဖြစ်ပျက်နေတဲ့ ပဋိပက္ခတွေရဲ့ နောက်ဆက်တွဲ အကြမ်းဖက်ခြင်းလားဆိုတာလည်း စဉ်းစား စရာပါ။
မြန်မာနိုင်ငံသားတွေအနေနဲ့ကတော့ မြန်မာပြည် အေးချမ်းသာယာတာကိုပဲ လိုလားပါတယ်။ တိုင်းပြည်စီးပွားရေး ကောင်းမွန် ဖို့နဲ့ စီးပွားရေးတိုးတက်မြင့်မားဖို့၊ နိုင်ငံတော်ငြိမ်းချမ်းသာယာဖို့ကိုပဲ လိုလားတဲ့အတွက် အခုလို အကြမ်းဖက်လုပ်ရပ်တွေ ကိုလည်း အပြစ်တင်ရှုံ့ချမိပါတယ်။
နိုင်ငံသားတိုင်းက နိုင်ငံတော်ကို ကာကွယ်ဖို့တာဝန်ရှိပါတယ်။ နိုင်ငံတော်ကို ဖျက်လိုဖျက်ဆီး
လုပ်နေတဲ့သူတွေကိုလည်း ဘုံရန် သူအဖြစ်သာ မြင်သင့်ပါတယ်။ အကြမ်းဖက်လုပ်ငန်းတွေနဲ့ အစိုးရသိက္ခာကျအောင် အစိုးရကို ထိခိုက်အောင် လုပ်ဆောင် နေခြင်းအားဖြင့် တစ်မျိုးသားလုံးထိခိုက်နေတယ်ဆိုတာကိုလည်း နားလည်ကြစေချင်ပါတယ်။
မြန်မာနိုင်ငံသားတွေအနေနဲ့ အစိုးရကိုကြိုက်ခြင်းမကြိုက်ခြင်းထက် နိုင်ငံတော်ရဲ့အချုပ်အခြာ အာဏာတည်တန့်ခိုင်မြဲရေးကို အလေးထားသင့်သလို၊ နိုင်ငံတော် ဖွံ့ဖြိုးတိုးတက်ရေးကိုပဲ ဦးတည်သင့်ပါတယ်။
မိတ်ဆွေများအားလုံးကို လေးစားချစ်ခင်လျက်ပါ။
မေသင်္ကြန်ဟိန်(မြစ်မခ)
မြစ်မခ
No comments:
Post a Comment