ခွင့်ပြုထားခြင်း မရှိသော်လည်း မန္တလေးမြို့တွင် တရုတ်ဘာသာဖြင့် ဆိုင်းဘုတ်များ ရေးသားတပ်ဆင် ချိတ်ဆွဲမှု ပိုမိုများပြားလာ

မန္တလေးမြို့တွင် ခွင့်ပြုထားခြင်း မရှိသော်လည်း တရုတ်ဘာသာဖြင့် ကြော်ငြာ၊ လုပ်ငန်းသုံး ဆိုင်းဘုတ်များ ရေးသားတပ်ဆင် ချိတ်ဆွဲမှုပိုမို များပြားလာကြောင်း သိရသည်။ စည်ပင်သာယာရေး

 ကော်မတီမှ ကြော်ငြာ၊ လုပ်ငန်းသုံး ဆိုင်းဘုတ်များတွင် မြန်မာ၊ အင်္ဂလိပ် နှစ်ဘာသာဖြင့်သာ ရေးသား

ချိတ်ဆွဲ ခွင့်ပြုထားပြီး အခြားဘာသာ စကားဖြင့် ရေးသားချိတ်ဆွဲခွင့် မပြုထားသော်လည်း တရုတ်ဘာ

သာဖြင့် ရေးသားချိတ်ဆွဲမှု တစတစ ပိုမိုလာကြောင်း မြို့ခံများက ဆိုသည်။

ယင်းသို့ တရုတ်ဘာသာဖြင့် ချိတ်ဆွဲခြင်းများကို မေတ္တာရပ်ခံခြင်းဖြင့် ပြန်လည် ဖြုတ်သိမ်းမှုသာ ပြုလုပ်ပြီး အရေးယူမှု မရှိ၍ ကြော်ငြာဆိုင်းဘုတ်များ ပိုမိုများပြားလာခြင်း ဖြစ်သည်ဟု မြို့ခံများက သုံးသပ်ကြသည်။

''ဆိုင်းဘုတ်ခွန်၊ ကြော်ငြာခွန်ရလိုမှု တစ်ခုတည်း မကြည့်သင့်ဘူး။ မတွက်သင့်ဘူး။ ခွင့်ပြုထားခြင်း မရှိတဲ့ ဘာသာစကားနဲ့ ချိတ်ဆွဲထားရင် အရေးယူနိုင်ရမယ်။ တားမြစ်နိုင်ရမယ်။ ခုအဲဒါမျိုးမရှိဘဲ မေတ္တာရပ်ခံတယ် ဆိုတာမျိုးကတော့ မဖြစ်သင့်ဘူး ထင်တယ်။ ဒီလို တရုတ်ဘာသာနဲ့ ဆိုင်းဘုတ်တွေ များလာတာက အမှန်တကယ် ဈေးကွက်ဘာလဲဆိုတာ ပြတဲ့သဘောပဲ။ ကြာရင်မန္တလေးမှာ မြန်မာတွေနေရာ  ပျောက်

တော့မယ်'' ဟု ကျောက်ပုတီး လုပ်ငန်းလုပ်ကိုင်သူ ကိုနေလင်းက ပြောကြားသည်။

''ကြော်ငြာဆိုင်းဘုတ်တွေမှာ မြန်မာ၊ အင်္ဂလိပ် နှစ်ဘာသာကလွဲရင် ခွင့်မပြုထားဘူး။ တရုတ်ဘာသာ တစ်ခုတည်းနဲ့ ရေးသားထားတဲ့ ကြော်ငြာတွေကိုတော့ လိုက်လံစိစစ် မေတ္တာရပ်ခံပြီး ပြန်ဖြုတ်စေခဲ့ပါတယ်။ ဌာနကို အသိပေး တိုင်ကြားလို့ ဖြုတ်ခဲ့ရတာတွေ ရှိပေမယ့် အရေးယူ ဒဏ်ရိုက်မှုတော့ မပြုလုပ်ပါဘူး'' ဟု မြို့တော် စည်ပင်သာယာရေး ကော်မတီ၊ အဆောက်အအုံနှင့် ကုန်ရုံဌာနမှ ဌာနမှူး ဦးမျိုးအောင်က

 ပြောကြားသည်။ မန္တလေးမြို့တွင် တရုတ်လူမျိုး အများစု နေထိုင်မှု များပြားခြင်းနှင့်အတူ ယင်းလူမျိုးများ အခြေချ လုပ်ကိုင်မှု များပြားလာခြင်းကြောင့် တရုတ်ဘာသာစကား သင်တန်းများ၊ ကျောက်မျက်ရောင်း

ဝယ်ရေး လုပ်ငန်းများနှင့် အချက်အချာကျသော လမ်းမကြီး၊ ဟိုတယ်များတွင် ကြော်ငြာဆိုင်းဘုတ်များ ပိုမိုများပြား လာခဲ့သည်။
 

 

(မန္တလေးမြို့လယ်ရှိ တရုတ်စာများဖြင့် ရေးသားထားသော ဆိုင်တစ်ဆိုင်အား တွေ့ရစဉ်) 

Eleven Media Group