ပြည်ထဲရေးက ပုဒ်မ ၁၈ ပယ်ဖျက်ရေး အဆိုကို ပယ်ချသတဲ့ ...
အကြောင်းပြချက်ကတော့ “ နိုင်ငံတကာမှာလည်း ဒီလိုပဲ ” တဲ့ ...
ကျုပ်တို့ကလည်း ပြောချင်တယ် ...
* သမ္မတ နှုတ်ထွက်ပေးပါ ...
“ နိုင်ငံတကာမှာလည်း ဒီလိုပဲ ”
ပြည်သူလက်မခံရင် ဆင်းပေးရတာ ...
* ၂၀၀၈ နာဂစ်လောကြီးကို စုတ်ဖြဲပြီး အသစ်ရေးပါ ...
“ နိုင်ငံတကာမှာလည်း ဒီလိုပဲ ”
ဘယ် ပြည်သူရဲ့ သဘောတူညီချက်မှ မပါဘဲ ပြဌာန်းထားတဲ့ ဥပဒေကြီး ချက်ချင်း ပြန်ရေးပါ။
* နိုင်ငံတော် အာဏာ အရပ်ရပ်ကို လွှတ်တော်ကပဲ ဆုံးဖြတ်ပေးပါ ...
“ နိုင်ငံတကာမှာလည်း ဒီလိုပဲ ... ”
ကာကွယ်ရေး ဦးစီးချုပ်တွေ နိုင်ငံရေးမှာ ၀င်ရောက်စွတ်ဖက်နေမှုတွေ ရုပ်သိမ်းပါ ...။
* အခွန်ထမ်း ပြည်သူတွေရဲ့ ကျန်းမာရေး၊ ပညာရေး နဲ့ ပင်စင်ကို နိုင်ငံတကာနည်းတူ
လုံးဝ အာမခံချက်ပေးပါ ...
“ နိုင်ငံတကာမှာလည်း ဒီလိုပဲ ... ”
မကျန်းမာလို့ ပိုက်ဆံမရှိရင် သေနေရတဲ့ ဘ၀တွေ ၊ ပညာမသင်ကြားနိုင်လို့ ... အလုပ်ခွင်ရောက်နေတဲ့
လူငယ်တွေ ၊ ပင်စင်လစာ မလုံလောက်လို့ ... တောင်းစားနေရတဲ့ အဘိုးအဘွားတွေ မြန်မာပြည်မှာ အများကြီး တာဝန်ယူပေးပါ ...။
* နိုင်ငံတကာနဲ့ တန်းတူ ရပိုင်ခွင့် လူ့အခွင့်အရေးတွေ ...လွတ်လပ်ခွင့်တွေ ... ပေးပါ။ အလုပ်လက်မဲ့ ပြသနာတွေ ... လယ်ယာမြေ မရှိတော့တဲ့ လယ်သမားတွေကို ပြေလည်အောင်
လုပ်ပေးပါ ... ၀န်ထမ်းလစာလေး မဖြစ်စလောက်နဲ့ ခိုးခိုင်းနေတာတွေကို ချက်ချင်း ရပ်တန့်အောင် လုပ်ပေးပါ ... လူလိုသူလို နေထိုင်နိုင်ခွင့်ရအောင် အစိုးရ ချုပ်ကိုင်ထားတဲ့ လျှပ်စစ်ဓာတ်အားတို့ ဆယ်သွယ်ရေး ၊ ခရီးသွား ၀န်ဆောင်မှုအစ ရှိတာတွေကို အကောင်းဆုံး ဖြစ်အောင် အရင် လုပ်ပေးပါ။
နိုင်ငံတကာလိုပဲ ... တိုင်းရင်းသားတွေရဲ့ ရပိုင်ခွင့် တွေကို ဖော်ဆောင်ပြီး ဖက်ဒရယ် စနစ်ကို
အမြန်ဆုံး အကောင်အထည် ဖော်ပါ ...။ ဘာသာရေး လွတ်လပ်ခွင့် အပြည့်အ၀ပေးပါ။
“ နိုင်ငံတကာမှာ ဒီလိုပဲ ... အကုန် ဖြည့်ဆည်းပေးရမယ် ”
Bran Sai
No comments:
Post a Comment