နိဒါန်းအားဖြင့်ပြောရလျှင် လောက မှာ လူလည်လုပ်ပြီး အမှားနှင့်အမှန်ကို ရောထွေးပစ်သူများ၊ ကိုယ့်ကိုယ်ကိုယ် လူ ကြီးလူကျယ်လုပ်ပြီး မှန်ရာလုပ်သယောင် ပြုကာ စနစ်ဟောင်းဘက်မှ ရပ်နေသော အရေခြုံများကို သူ အမုန်းတီးဆုံး။ နိုင်ငံ ရေးနယ်ပယ်မှ လူကြီးလူကျယ်ဆိုသူများ ၏ ရုပ်ပုံကားချပ်ကို သူရေးသားဖော်ပြ သည်မှာ...
သူတို့ဟာ မြေခွေးသတ္တ၀ါတွေဖြစ် ပေမဲ့ သူတို့ကိုယ်သူတို့ ကြောင်နဲ့ တူသယောင်ဆောင်နေကြတယ်။ သူတို့ ကိုယ်သူတို့ တရားမျှတမှု ပြုနေသူတွေ သင့်မြတ်အောင် ဖျန်ဖြေနေသူတွေ၊ အမှန်ကို လုပ်နေသူတွေအဖြစ်အယောင် ဆောင်နေကြတယ်။ သူတို့ရဲ့ တကယ့် အသွင်နဲ့ သူတို့ရဲ့ စိတ်နေစိတ်ထားဟာ တကယ်ယုတ်ညံ့သိမ်ဖျင်းတယ်။
ဖော်ပြခဲ့သည်တို့ကား တရုတ်ပြည် သူ့စာရေးဆရာကြီး လူရွှန်း၏ နိုင်ငံရေး ဒဿ န အ မြင်များကို
ရေးသားဖော်ပြ ချက်။
ပြောရလျှင်ဖက်ဆစ်အသွင်ဆောင် သော အဓမ္မ၀ါဒသည် အမှန်တရားနှင့် ပြည်သူများကို အစဉ်မပြတ်
ရန်ပြု တိုက် ခိုက်လျက်ရှိ၏။ ဖိနှိပ်သူအဓမ္မသမားတို့ သည် သူတို့သည် အမှန်တရားဘက်မှ ရပ်တည်
သယောင် အသွင်ဆောင်ကာ တိုင်းပြု ပြည်ပြုလုပ်ငန်းများ ပြည်သူ အတွက်ဖော်ဆောင်ပြုလုပ်နေ
သယောင်၊ ပြည်သူတို့အထူးအားဖြင့် လိုလားသော ငြိမ်းချမ်းရေးလုပ်ငန်းစဉ်များ လမ်းစရှာ အကောင်အထည်ဖော်နေသယောင်၊ အခြေခံ၊ အောက်ခြေ၊ အလုပ်သမား၊ လယ်သမား၊ မြို့နေလူလတ်တန်းစားများ ဘ၀ တိုးတက်မြင့်မားစေရန် ဆောင်ရွက် နေသယောင်စသည့် ဟန်ဆောင်အသွင် များဖြင့် ပြည်သူ့ဘက်မှ ရပ်သည့် စစ်မှန် သော အမှန်တရားကို စဉ်ဆက်မပြတ် ဖိနှိပ်တိုက်ခိုက်လျက်ရှိသည်မှာ အသေ အချာ။
စင်စစ်မှာ ယိုယွင်းပျက်စီးနေသော အိမ်အိုအိမ်ဟောင်းကြီးကိုထုတ်၊ယောက်၊ ဒိုင်း၊ မြားလဲပစ်ရုံနှင့် အိမ်ကောင်းအသွင် တည်ဆောက်၍မရ။ ထိုအိမ်အို၊ အိမ် ဟောင်းကြီးကို မြေသို့ ဗုန်းဗုန်းလဲ အောင် ဖြိုချဖျက်ဆီးပစ်ရမည်ဖြစ်၏။ ပြီး မှသာ အသစ် အသစ်သော သစ်သား၊ အုတ်များပတ်ရံလျက်
အသစ်တည်ဆောက် ယူရမည်ဖြစ်၏။
ထို့အတူ ပုပ်သိုးဆွေးမြေ့နေသော စနစ်တစ်ခုကို ပြုပြင်ဖာထေးကာ အသစ် တည်ဆောက်သယောင်နှင့်
တည်ဆောက် ၍မရ။ ထိုစနစ်ကို အပြီးတိုင်ဖြိုလှဲဖျက် ဆီးပြီး စစ်မှန်သော လန်းဆန်းသစ်လွင် သော
ပြည်သူဗဟိုပြု ဒီမိုကရေစီရေးနှင့် လူ့အခွင့်အရေး အပြည့်အ၀ရှိသည့် စနစ် တစ်ခုကို မှန်ကန်စွာ အခိုင်အမာ အစား ထိုးရမည်ဖြစ်၏။ နိုင်ငံရေး ဒဿ န စကား နှင့် ပြောရလျှင် လုံးဝမဖျက်သေးဘဲ (သို့မဟုတ်) ထိုအဖျက် ကာလမပြီးသေးဘဲ အသစ်တည်ဆောက်ရေး (အပြု) ကို ပြောလျှင်မှား၏။
ပြောရလျှင်ကျွန်တော်သည်တရုတ် စာရေးဆရာကြီး လူရွှန်း၏ နိုင်ငံရေး၊ ဒဿ နအမြင်များကို
ဖတ်ရှုမိရင်း၊ အထက် ဖော်ပြခဲ့သည်တို့ကို ကျွန်တော်ထပ်ဆင့် စဉ်းစားမိခြင်း။ နိုင်ငံတကာ ပြည်သူ့ စာရေးဆရာများ၊ လူရွှန်းမှသည် ကျွန်တော် ရုရှားပြည်သူ့စာရေးဆရာကြီး ဂေါ်ကီကို သတိရ
မိပြန်သည်။ ဂေါ်ကီသည်လည်း လူလူချင်း ခြယ်လှယ်သည့် စနစ်ဆိုးကို ခါးသီးစွာ မုန်းတီးရွံရွာသူ။
ဂေါ်ကီ၏ စိတ်ဓာတ်တစ်ခုလုံးသည်လွတ်လပ်သော လူ့အခွင့်အရေးများကို တိုက်ခိုက်ရာမှာ လုံးလုံးဝင်စားလျက်ရှိသည်ဟု ထိုစဉ်က ဂေါ်ကီ၏ ခေတ်ပြိုင်စာရေးဆရာ တီကို နော့ဗ်က ပြောခဲ့၏။
“လွတ်လပ်ခွင့်” ဟူ သော ကြွားလုံးဖြင့် လိမ်ညာနေသည့် ဖက်ဆစ်များ၏ မျက်နှာစာနောက်ကွယ် ရှိ ကြောက်မက်ဖွယ်ရာ ကြမ်းကြုတ်သည့် လက္ခဏာအချင်းအရာများကို ဂေါ်ကီ ဖွင့်ချခဲ့၏။
လွတ်လပ်ခွင့်ဟူသော ဟိတ်လုံး၊ ဟန်လုံးအောက်တွင် တစ်ဖက်မှ ပြည်သူ လူထုကို ဆင်းရဲမွဲတေ၏
မှုဖြင့် ထောင်းထု နေပြီး တစ်ဖက်မှ အလျှံပယ် ဇိမ်ခံယစ်မူး နေသည့် (ကျွန်တော်တို့ဆီမှ ခရိုနီများကဲ့သို့) လက်တစ်ဆုပ်မျှသော အမျိုးသား အရင်းရှင်တို့၏ အသွင်ကို ဂေါ်ကီဖော် ထုတ်ခဲ့၏။
စာရေးဆရာတို့သည် ပြည်သူ လူထုနှင့် ထိတွေ့မှုကို မလျော့မပါး၊ မပျက်ကွက်စေမှသာလျှင် တိုးတက် ခေတ်မီသော အသိကိုရရှိနိုင်မည်ဟု ဂေါ်ကီသင်ကြားခဲ့၏။ ခုစာစုမှာ အလျဉ်းသင့်၍
နိုင်ငံ တကာ၏ ပြည်သူ့ဘက်မှရပ်သော ပြည်သူ့စာရေးဆရာကြီးများအကြောင်း ဖော် ပြရာမှာ
မေ့ကွယ်ချန်လှပ်၍ မဖြစ်သော ပုဂ်္ဂိုလ်ကြီးကား ကျွန်တော်တို့၏ ဆရာ ကြီးသခင်ကိုယ်တော်မှိုင်း။
ဆရာကြီးသည် မျိုးချစ်စာဆိုတော်ကြီးဟူသော ၀ိသေသ ထူးကိုရရှိခဲ့၏။ ယင်းမှာ ဘွဲ့နှင်းသဘင်
တစ်ခုမှ ဆရာကြီးကို အပ်နှင်းသော ဘွဲ့ ထူးမဟုတ်။ အစိုးရတစ်ဖွဲ့က ဆရာကြီးကို ချီးမြှင့်သော
နိုင်ငံတော်ဆိုင်ရာ ဘွဲ့ ထူးမဟုတ်။ ဆရာကြီး၏ စာပေအရည် အသွေးကြောင့် မျိုးချစ်စာဆိုတော်ကြီး ဟု ပြည်သူတို့၏ နှလုံးသားမှာ စွဲထင်လာ ခြင်း။ ဆရာကြီးသည် မျိုးချစ်စိတ်ဓာတ် ထက်သန်စေရန် လှုံ့ဆော်သော ကဗျာ စာပေများ၊ အများအပြားရေးသားခဲ့၏။ နယ်ချဲ့သမားနှင့် စေ့စပ်ပြီး အမျိုးသား လွတ်မြောက်ရေးတိုက်ပွဲကို သစ္စာဖောက် သွားကြသော ဓနရှင်ပေါက်စ၊ ပညာ တတ်လူတန်းစားတို့၏ သစ္စာဖောက်မှု ကို စာပေဖြင့် ဆန့်ကျင်တိုက်ခိုက်ခဲ့မှုများ ဆရာကြီးစာပေမှာ အများအပြား။ ဆရာ ကြီး
သည် လွတ်လပ်ရေးရရှိပြီး ခေတ်မှာ ပြည်တွင်းငြိမ်းချမ်းရေးအတွက်အားထုတ် ခဲ့၏။ ထို့ကြောင့်
ဆရာကြီးသခင်ကိုယ် တော်မှိုင်းကို မျိုးချစ်စာဆို၊ လွတ်လပ်ရေး နှင့် ငြိမ်းချမ်းရေးဖခင်ကြီးဟု ဘွဲ့အမည် ပေးကာ ပြည်သူတို့က မိမိတို့နှလုံးအိမ် မှာ လေးစားစွာ မြှုပ်နှံထားကြ၏။
နိဂုံးအားဖြင့် ခုစာစုကို ကျွန်တော် သည် တရုတ်ပြည်သူ့စာရေးဆရာကြီး လူရွှန်း၏ “တရုတ်စာပေ
လောကမှ မကောင်းဆိုးဝါး သူရဲတစ္ဆေများ” အမည် ရှိ ဆောင်းပါးမှ အပိုဒ်၊ တစ်ပိုဒ်ဖြင့် နိဂုံး ပြုလို၏။
သူ၏ဆောင်းပါးမှာ လူရွှန်းက လက်ဝဲလည်းမဟုတ်၊ လက်ယာ လည်းမဟုတ်၊ မိမိတို့သည်
လက်ဝဲ၊လက် ယာသမားတို့ထက် ပိုမိုမှန်ကန်မြင့်မား သော နေရာက ရပ်တည်နေသူများ၊ အသွင်ပြောင်းခေတ်ပြောင်း ပြည်သူ အတွက် လုပ်ဆောင်နေသူများဟု ဟန် ဆောင်လိမ်ညာ
နေသူများကို ဤသို့ ပြတ်သားစွာ ရေး၏။
လူ့အဆောက်အအုံဟောင်းနှင့် အင်အားစုအဟောင်းကို ဆန့်ကျင်တိုက်ခိုက် ရာမှာ ခိုင်မာပြတ်သားဖို့
လို၏။ ခံနိုင်ရည် ရှိဖို့လို၏။ စည်းလုံးညီညွတ်စွာ ခွန်အား စိုက်ဖို့လို၏။ ထက်သန်ခိုင်မာ၊ စည်းလုံး ညီညွတ်မှုမရှိဘဲ လူ့အဖွဲ့အစည်း၏ နိုင်ငံ ရေးလုပ်ငန်းမှာ အောင်မြင်မှုရလိမ့်မည် မဟုတ်။
အဘယ်ကြောင့်ဆိုသော် ဖောက် ပြန်သော အင်အားစုသည်လည်းကောင်း၊ ဖောက်ပြန်သော အယူအဆသည်လည်း ကောင်း၊ သမိုင်းဇာတ်ခုံပေါ်မှ သူ့ဘာသာ အလိုအလျောက် ဆင်းသက်သွား
မည် မဟုတ်သောကြောင့်။
သြော် စနစ်ဟောင်းဘက်မှ ရပ်ကာ အများကြိုက် နိုင်ငံရေးစကားလုံး ဖြင့် အရေခြုံထားသူများသည်
လည်း ထို သို့သော အသွင်သဏ္ဌာန်ရှိသည်တကား။
စည်သူမြသန်း
hotnewsweekly
No comments:
Post a Comment