ဆရာတော် ဒေါက်တာနန္ဒမာလာဘိဝံသ၏ အဖြေများ

သက်ဝေဇော် (thetwz81@gmail.com)
မေး -  သွေးလှူခြင်းရဲ့ အကျိုးကျေးဇူးလေးသိပါရစေဘုရား။


ဖြေ - ဟဒယဝတ္ထုရုပ်သည် နှလုံးသွေး၌တည်၏။ ဟဒယဝတ္ထုရုပ်ကို မှီ၍ အရေးကြီးသောစိတ်များ (မနောဓာတ်,မနောဝိညာဏဓာတ်) ဖြစ်ကြရ၏။  သွေးသည် ရုပ်နာမ်တွေ အသက်ရှင်ဖို့ အရေးကြီးသော အရာ ဖြစ်၏။ သွေးလှူခြင်းသည်  အသက်ကိုပေးလှူခြင်းဖြစ်၍ ကြီးမားသော အာယုဒါန (ဇီဝိတဒါန)ဖြစ်၏။ Reaction အရ ဖြစ်လေရာရာဘဝမှာ ကျန်းမာခြင်း၊ အသက်ရှည်ခြင်း အကျိုးကို ရနိုင်သည်ဟု မှတ်သင့်၏။
---------------------------------------------------------------------------------------------------------------

ဝိနည်းတော်နဲ့ညီ/မညီ
============
ဦးကြည်ဇင် 
မေး - ရဟန်းသံဃာတော်များသည် ဘုရားရှင်အား ရည်စူး၍ အာရုံဆွမ်း (သို့) နေ့ဆွမ်းအတွက် ကိုယ်တိုင် ဆွမ်းချက်(ပေါင်းအိုးဖြင့် ထမင်းချက်ခြင်း)ခွင့်ရှိပါသလား။

ဖြေ - အစားအစာ ကိုယ်တိုင်ချက်ခြင်းကို သာမံပက္ကဟုခေါ်သည်။ အခြေအနေ အချိန်အခါကို ကြည့်၍ မြတ်စွာ ဘုရားက ကိုယ်တိုင်မချက်ရဟု ပညတ်သည်။ ရံခါကိုယ်တိုင်ချက်နိုင်သည်ဟု ခွင့်ပြုသည်။ ဆွမ်းခံစား၍ရနိုင် သောနေရာတွင် ကိုယ်တိုင်မချက်ရ။ ယုံကြည်စိတ်ချရသော ကပ္ပိယရှိလျှင် ကိုယ်တိုင် မချက်ရ။ ဆွမ်း၊ ဆန်မရသည့် နေရာဒေသမျိုးမှာ ကပ္ပိယမရှိလျှင် ကိုယ်တိုင်ချက်ခွင့်ရှိသည်။ အခြေအနေ အရဟု မှတ်သားသင့်သည်။ ဘုရားရှင်အား ရည်စူး၍ ကိုယ်တိုင်ဆွမ်းချက်ကပ်လျှင် ဆွမ်းခံရသောနေရာ ကပ္ပိယ ရရှိသောနေရာဖြစ်ပါလျှင် ဘုရားပညတ်ချက်ကို ချိုးဖောက်ရာရောက်သည်။ ဘုရားရှင်အား ရည်စူးတာ ကုသိုလ်ဖြစ်သော်လည်း တဖက်က ဘုရားစကားကို နားမထောင်ရာ ရောက်သည်။ ဆွမ်းခံ၍ ရသော ဆွမ်းကို ဘုရားအားလှူဒါန်းသင့်သည်။
 ____________________________________________________________________________

 မိုးသု (မန္တလေး) (khaymarnanda.1990@gmail.com)

 

ဆရာတော်ဘုရား ကိုယ်စိတ်နှစ်ပါး ကြည်လင်ချမ်းမြေ့စွာဖြင့် သာသနာ့ဝန်ကို ထမ်းရွက်နိုင်ပါစေဟု ဦးစွာပဏာမ မေတ္တာပို့သအပ်ပါသည်ဘုရား။

မေး - ဘုရားရှင်သည် အရှင်မဟာမောဂ္ဂလန်မထေရ်နှင့်အတူ အရူပဘုံသို့ကြွရာ ချစ်သားမောဂ္ဂလန် အရူပ ဗြဟ္မာကြီးတွေ နင်းမိမှာမို့ ငါဘုရားခြေချတဲ့နေရာမှာ ခြေချဟုဆိုတဲ့ အကြောင်းအရာကို ယုံမှား သံသယများစွာ ဖြစ်မိပါသဖြင့် လက်လှမ်းမှီရာ ပါဠိတော် အ|ကထာဋီကာတို့၌ ရှာဖွေသော်လည်း မတွေ့ရှိ ရပါဘုရား။ သီတင်းသုံးဖော် သာမဏေကျော် အဘိဝံသဘွဲ့ရများကို လျှောက်ထားမေးမြန်းရာမှာ ၄င်းတို့ ကလည်း မတွေ့ဘူးဟုပြောကြပါသည်ဘုရား။ ဘုရားတပည့်တော်သိလိုသည်မှာ ဒီစကားဟာ အရပ်စကား လား၊ ကျမ်းဂန်လာ စကားလား ဆိုတာခွဲခြားသိမှတ်လိုပါသဖြင့် မေတ္တာရှေ့ထား၍ ဖြေကြားပေးတော်မူ ပါဟု ခြေတော်ဦးခိုက် ရိုသေစွာ   ဖြင့် လျှောက်ထားအပ်ပါသည်ဘုရား။

ဖြေ -  မြတ်စွာဘုရားသည် ရှင်မောဂ္ဂလန်နှင့်အတူ အရူပဘုံသို့ကြွသည် စသော စကားမှာ ကျမ်းဂန်လာ စကား မဟုတ်၊ အကျိုးမရှိသောနေရာ မြတ်စွာဘုရားကြွလေ့မရှိ၊ ရုပ်တရားကင်းမဲ့သဖြင့် မျက်စိ၊ နား မပါသည့် အရူပ ဗြဟ္မာများနှင့် တွေ့ဆုံစရာအကြောင်းလည်းမရှိ၍ ယုတ္တိကင်းမဲ့သော စကားသာဖြစ်သည်။

  စိုးထက် (thinkingman2011@gmail.com)

မေး - ဥပုသ်စောင့်ရာတွင် မြင့်သောနေရာ မြတ်သောနေရာတွင်နေခြင်းမှ ရှောင်ကြဉ်ပါ၏ဟူသော အချက်ကို နားမလည်ဖြစ်ရပါသည်။ ဘယ်လိုနေထိုင်ရင်ပျက်ပြီး ဘယ်လိုနေထိုင်ရင် ဥပုသ်ရပါသလဲ ဘုရား။ အလုပ်လုပ် ရင်းကော  ရှစ်ပါးသီလ ထိန်းနိုင်ပါသလားဘုရား။

ဖြေ -  မြင့်သောနေရာ ဆိုသည်မှာ နှစ်တောင်ထွာထက်မြင့်သောနေရာကို ဆိုလိုသည်။ မြတ်သော နေရာ ဆိုသည်မှာ သူဌေး၊ သူကြွယ်၊ မင်းစိုးရာဇာတွေအသုံးပြုသော ခမ်းနားသော အိပ်ယာနေရာမျိုးကို ဆိုလိုသည်။ ပါဠိဘာသာ ဥစ္စာသယနကို မြင့်သောနေရာ၊ မဟာသယနကို မြတ်သောနေရာဟု   မြန်မာပြန်ကြသည်။ ဆိုလိုသည်မှာ ဥပုသ်စောင့်သုံးသော ပုဂ္ဂိုလ်အဖို့ သာမန်နေရာမျိုး၌ သာ နေသင့်သည်။ သူ‌ဌေး၊ သူကြွယ်၊ မင်းစိုးရာဇာတွေ နေထိုင်လေ့ရှိကြသည့် ခမ်းနားကြီးကျယ်သော အိပ်ယာ နေရာမျိုးကို ရှောင်ကြဉ်ရသည်။ ရှောင်ကြဉ်ပါမည် ဆိုပြီးလျှက် မရှောင်ရင် ဥပုသ်ပျက်သည်။ သဒ္ဒါဆန္ဒ ပြင်းပြလျှင် အလုပ်လုပ်ရင်း ရှစ်ပါးသီလ ထိန်းနိုင်ပါသည်။

http://www.drnandamalabhivamsa.com.mm/ မှ ကူးယူဖော်ပြပါသည်။