“ပွင့်ပွင့် လင်းလင်း ဆိုရလျှင် အမျိုးသား ဒီမိုကရေစီ အဖွဲ့ချုပ် ၏
ကြေညာချက် (၀၂/၀၉/၂၀၁၃) ကို ဖတ်ရသောအခါ စောစော က အပျော်တွေ လွင့်စဉ်
သွားသည်။ အတော်ကြီး ကို စိတ်ပျက် မိသည်။ NLD က ဆိုခဲ့ပြီး သော လမ်းကြောင်းနှစ်ရပ် ကို ဓလေ့ နှစ်ခုတွင် တိတိပပ အဖြေ မပေး။ “ပြည်သူ လူထု ၏ ဆန္ဒ သဘောထားကို ရယူမည်” ဟုဆိုသည်။ “ဘာလဲ ... ဘယ်လိုလဲ” “ပြည်လုံး ကျွတ် ဆန္ဒ
ခံယူပွဲ”လုပ်မည့် သဘောလား။ ဤသို့ ဆိုရလျှင် ဘယ်သူက လုပ်ပေးမည်နည်း။ ဘယ်
အဖွဲ့အစည်းက ကြီးကြပ် မည်နည်း။ စာရေးသူ နားလည်သလောက် ဆိုရလျှင် NLD သည်
လွှတ်တော် မဟုတ်။ ရွေးကောက်ပွဲ ကော်မရှင် မဟုတ်။ အစိုးရ မဟုတ်။ ထို့ထက်
အရေးတကြီး စဉ်းစားကြရမည်မှာ “ဆန္ဒခံယူပွဲတိုင်းသည် လူထုဆန္ဒကို အမှန်တကယ် ထင်ဟပ် နိုင်ပါ၏လော...”။ “လူထုဆန္ဒ အမှန်ကို ရရှိလျှင် ပင်ထား၊ ပြည်သူ
လူထု အနေနှင့် လက်တွေ့ကျသော မဟာဗျူဟာတစ်ရပ်ကို ချမှတ်နိုင်စွမ်း
အခါခပ်သိမ်း ရှိနိုင်ပါမည်လော ...”။ “မဟာ ဗျူဟာချမှတ်ရန်အတွက် လူထုတွင်
တာဝန်ကော ရှိပါ၏ လော...”။ ရာစုဝက်ကျော်မျှ ဒီမိုကရေစီ နှင့် ကင်းကွာ
ခဲ့ရသော၊ ပညာရေး ခြွတ်ခြုံ ကျနေ သော၊ နိုင်ငံရေးသားကြော ဖြတ်ခံ ထားရသော၊
စားဝတ် နေရေးအတွက် ကျားကုတ် ကျားခဲ ရုန်းကန်နေကြရသော အမိမြန်မာပြည်၏
ပကတိအရှိကို နှလုံးသွင်း နိုင်ကြဖို့ လိုမည် ထင်ပါသည်” (The Voice
Journal)
မြန်မာ ပြည်သူများ သည် ဒီမိုကရေစီ ရလျှင် ချမ်းသာ လာမည်၊ စားဝတ်နေရေး
အဆင်ပြေ တော့မည်ဟု မျှော်လင့်ထားကြပါသည်။ အမေရိကန် ပုံစံလား၊ ဗြိတိန်ပုံစံလား မသိချင်ကြပါ။ စားဝတ် နေရေး အဆင်ပြေဖို့သာ အရေးကြီး ပါသည်။ ယခု
လွှတ်တော် တွင် အစိုးရနှင့် အငြင်းပွား မှုများ တွင် အခြေခံ ဥပဒေအရ မည်သည့်ဘက်က မှန်သည်၊ မည်သည့်ဘက်က မှားသည်ကို ပြည်သူများ စိတ် မ၀င်စားပါ။
ခုံရုံးကို စွပ်စွဲပြစ်တင်ခြင်းအားဖြင့် ပြည်သူများ၏ လူမှုဘ၀များ မည်မျှအထိ တိုးတက် ပြောင်းလဲလာမည်လဲ ဟူသည် ကိုလည်း စိတ်မ၀င် စားပါ။ ပြည်သူများ
စိတ်ဝင်စားကြသည်မှာ လူမှုဘ၀၊ စီးပွားဘ၀ အဆင်ပြေ ချောမွေ့ ရေးသာ ဖြစ်ပါသည်။
ကောက်နှုတ်ချက်။
No comments:
Post a Comment